Umuntu wadalwa nguZimu begodu omunye nomunye wanikelwa amakghono ahlukahlukeneko. Iimphiwo zabantu azifani begodu azilingani. Abanye abantu abawatjheji amakghono wabo namkha abazi ngemphiwo abaphiwe zona. Abanye bayatjheja amakghono wabo begodu bawalandele njengoba anjalo. Laba abanganalwazi ngamakghono abaphiwe wona vane bafune amakghono wabanye abantu okungasiwo amakghono wabo. Umona usuka elihlweni. Umuntu ukhula kuhle afunde isikolo athole umsebenzi bese wakha umuzi akhulise abantwana.
Ngesikhathi umuntu akhula kenemiraro eminengi ahlangabezana nawo epilweni. Eminye yemiraro ingenza bonyana ungafiki emabhudangweni wakho kanti eminye emiraro iyakukhuthaza bonyana ubone ipumelelo yakho masinyana. Kwesinye isikhathi uthi sele useduze nepumelelo yakho bese kuvela iinqabo ezivimbela bonyana uphumelele. Abantu ophilana nabo okungaba bangani bakho, namkha umndeni wakho nabo bangaba ziinqabo ezikuvimbela bonyana ubone ukuphumelela kwakho.
Abalingisi abavele kulendatjana, balingisi abadlule emtlhangweni nebuhlungwini bokuqalana nepilo. Abalingisi laba bavela njengabantu abalinga ukuvikela umtlhago nobuhlungu abadlule kibo bonyana ungathuweleli udlulele phambili
What others are saying
There are no contributions yet.