Ilanga liyaphuma kubesemini bese kufika isikhathi sokubamnyama lapho sele kufike ubusuku. Ngesikhathi kusemini abantu vane bakhanuke sengathi ilanga alitjhingi kuhlale kusemini nangabe izinto abazenzeko zibakhambela kuhle. Abanye abantu bona bakhanune sengathi ilanga lingatjhinga msinyana kufike ubusuku nangabe izinto abazenzako bona azikhambi kuhle.
Ubusuku singabufanisa nesikhathi sokuphumula namkha isikhathi sokulinda bonyana kufike elinye ilanga. Imini iyafana nokuthoma kwepilo yomuntu bese ubusuku bona singabufanisa neentjhijilo umuntu ahlangabezana nazo ngemva kwemini. Woke umuntu emhlabeni ukhanuka sengathi kungafika ukusa nakumnyma kusebusuku. Banengi abonobangela abenza bonyana sikhanuke sengathi kungafika ukusa begodu banengi kangako abonobangela abenza ukuthi sikhanuke sengathi akufiki ukusa.
Abalingisi abathulwe endatjaneni le balingisi abaqalane nokuhlukunyezwa emndenini yabo nepilo yoke. Ukuze umuntu athome ukuhlanipha kufanele adlule eentjhijilweni ezibudisi, kungakho kilendatjana kuvela umlingisi othoma ngokutlhoriswa kodwana ekugcineni uvela sele amumuntu ophumelelako epilweni.
What others are saying
There are no contributions yet.