Incwadi le ikhuluma ngomswa owasuka ekhabo waya edorobheni ngehloso yokuyokufuna umsebenzi ozomenza bona akghone ukondla ababelethi bakhe, atjhugulule nesimo sepilo yakwabo engakarisiko. Ibizo lomswa lo nguBesabakhe Mgidi. Ngetjhudu uBesabakhe uwufumene umsebenzi, wasebenzela ababelethi bakhe, kodwana kuthe kusesenjalo waphekghuka uBesabakhe akhange asathumelela ababelethi bakhe imali neenthembiso ebegade azithembise ababelethi bakhe akhange asazenza. UBesabakhe ufumene intombi yamenzisa iimphoso zodwa. Ulise umsebenzi wasungula irhwebo. Zoke izinto beziqaleka zikhamba kuhle kuBesabakhe kufikela lapha kusuka umguruguru omkhulu wokuninwa nokuhloywa kwabantu bokufika lapha eSewula Afrika (Xenophobia). Umphakathi usahlele amaphandle woke, kwasahlelwa naye uBesabakhe ngombana ahlaza khulu ngombala, abantu bebali uliphandle naye. Amaphandle amanengi ahlaselweko abulewe, kodwana uBesabakhe ube netjhudu ngombana ukghonile ukusinda ekusahlweleni. UBesabakhe uhlezi isikhathi eside esibhedlela ngonobangela wokulimala khulu. Uthe angaphola amapholisa amthatha amusa ekampeni lapha kukhoseliswe khona abanye abantu bokufika kuleli. UBesabakhe uhlulekile ukuvezela amapholisa ubufakazi obupheleleko bokobana akasilo iphandle. UBesabakhe ubaleke ekampeni ngelanga elandulela ilanga lokugoduswa kwamaphandle. Kube budisi khulu bona uBesabakhe abuyele kwabo ngombana akanamali begodu akasebenzi. Lokho kumkatelele bona alinge ukufumana omunye umsebenzi ngaphambi kobana abuyele kwabo. UBesabakhe uwufumene umsebenzi emagrontrageni akha izindlu, kodwana izinto zakhe bezingahlangani. Imali beyimphunyurha. Uthe nasele athoma ukuzihloboka ngepilo, wafumana umsebenzi endaweni yeentandani bewaphiwanendawo yokuhlala khona lapho. Ngokutlhoga itjhudu uBesabakhe uphelelwe msebenzi lowo ngombana asolelwa ngokulinga ukugagadlhela esinye isisebenzi lapha. UBesabakhe usuke lapho wathatha isiqunto sokubuyela kwabo. Uthe nakafikako kwabo wafumana ababelethi bakhe bahlongakele. Kulapho azisole khona khulu ngekhambo lakhe elimbi alikhambako.
ePublishing is using Prago
You can choose home delivery or the nearest pickup point.
What others are saying
There are no contributions yet.