UBATHABILE

Enovelini le, sithola bonyana kunomntwana omntazana owabelethelwa endaweni ye-Mthambothini, kodwana wakhulela ekhabomkhulu kwaMhlanga, kufikela lapho kufuze athome khona isikolo, nekukulapho abuyelakhona ekhabo, eMthambothini. Ekubuyeleni kwakhe eMthambothini kwaletha elikhulu ithabo ebabelethini bakhe, kunye nomphakathi woke we-mthambothini. Ngaphakathi kwenoveli le, sithola umntazinyana othandwa babantu boke ahlangabezana nobudisi bukayise bokuphelelwa msebenzi, begodu lokho kungahle kukhinyabeze amathuba wakhe wokobana ayokufunda eenkolweni ezisezingeni eliphezulu. Kuyavela nesikopilo yeenkolo ngokwahlukana kwazo, nangengaba zazo. Inoveli le ibuye isivezele imikhuba yabentwana babesana lokha nabathoma izinto zamathando. Amakghono wabantwana ayavela ngokwahlukana kwawo. Nawuyifunda inoveli le iyakuvezela ubungozi bokuthi umntwana asabe ababelethi bakhe, ngitjho sele anomraro aqalene nawo. Nawuya ngemaphethelweni iyaveza inoveli ubukhohlakali obenziwa bafundi besilisa ebantwananeni babentazana eenkolweni. Iphetha kabuhlungu inoveli lapho sithola umntwana bekathandwa khulu asitjhiya ephasini ngonobangela wobulwelwe obungalaphekiko.